Mir sind im exclusive Club drbi

Syyt em 07.12.2017 isches offiziell… D Basler Fasnacht isch hiette vo dr UNESCO in die repräsentativi Lischte vom immaterielle Kulturerb vo dr Menscheit uff gnoo woorde.  Do kunnsch zeer Mediemitdailig vo Bärn
Do drmit isch d Basler Fasnacht, näbscht em Winzerfescht in Vevey, dr zwaite Kulturelli schwiiezer Aalass wo in die Lischte uff gnooh woorde isch…. 
E ganz e fayyni Saach….. Das maind s Comité dr zue  
Und do khasch dr Bryycht vom schwiiezer TV go nooche luege 

Wiiehnachtsässe 2017

Gly isches wiieder sowiiet und d Blootere leehn s Jòòr miteme gmiedlige (das hoffe mr doch…) Wiiehnachtsässe mit Iiberraschige uss klinge. Mir wintsche allne wo in de kommende Dääg ebbis Wiiehnachtlichs z ässe kriiege e guete und viiel Spass drbi….

eeyri blööterli

Schällä Fäscht Glöggli Clique Amriswil

Am 11.11.2107 händ d Birsblootere (und no e anderi Gugge uss dr Regio) dr Iilaadig vo dr Glöögli Clique Amriswil deerfe Folge laischte und sind an e riiese Fescht aahne gloofe.
Fasnachtsufftaggt in dr Oschtschwiiez.. 1111 Güggeler händ am 11.11.2017 am 11.11h zäme gspiielt.. sisch aifach dr Hammer gsy…..
Und wie immer…. in dr Mediathek findisch d Foteli vo däm Aalass…

z Basel isch Herbschtmäss

und wie allewyyl und scho traditionell sind au d Blööterli an dr Mäss unterwägs. Meeh findisch im Kaländer…..

e Mässmooge in-er-e Drummle

Broobeweekend 2017

Tjääh au s Broobeweekend gooht e mool verbi.
E so im Noochhinein kha me saage „Matratze isch Brogramm“ gsy. Das isch e glaine Insaider wo sicher nid alli cool finde… :o)
Nadirligg hett s au neeyi Stiggli geeh. Die wärde jetzte no gschliffe und denne spöötischtens am Blootereball 2018 zeem Beschte geeh….
Und do e glaine Vorgschmagg uff d Bildergalerie wo gly uffe glaade wird…

Nooteblätter fyr neeyi Stiggli
E glaine Täller Raclette