Gugge

E Gugge stooht und fallt mit em Zäämeheebe vo all sine Mitglieder.
Es isch e geeh und e neeh… aber es sott vorallem e mitenand si.

Syyt 1959 git s uns, was sait das uns? Genau…. TRADITION isch s Zauberwort. An aim Seili zieh bedüütet sich au mit ebbis-em kenne z identifiziiere, au e mool ebbis mache wo aim halt perseenlig nid so basse duet aber sisch zue Gunschte vom Verain, ebbe vo de Birsblootere. Nadirligg sind au mir bereit fyr neeys und Vorschleeg wärde au gärn a gheert und entgege gnooh. Und wenn denne d Meehrhait no jo sait… denne gooht s au ab….

Wenn de d Absicht hesch aggtiv bi de Blootere mit z mache denn schriieb uns doch e Nochricht
oder no besser kumm aifach go ine luege… unser Broobelokal findisch z Blätzbums (Birsfelden).

Nadirligg khasch au aifache e mool bi uns inne luege. Vielliiecht kennsch jo di aind oder dr ander hiiebsche scho. Do findisch alli aggtive Blööterli.